ماركتنج ايجنسي في مصر والخليج — إزاي تختار صح

ايجنسي ولا فريلانسر؟

أول سؤال المفروض تجاوب عليه قبل ما تدوّر على ماركتنج ايجنسي أصلًا: إنت محتاج إيه بالظبط؟

• محتاج تشغيل وتحسين إعلانات وبس — والأوفر والصفحة والتراكينج مظبوطين فعلًا؟ ساعتها ميديا باير فرد كفاية، وأرخص، وأسرع في التواصل.
• محتاج كرييتف وصفحات وتراكينج ومحتوى مع الإعلان؟ ساعتها الايجنسي أنسب، لأن دي شغلانات مختلفة ومحدش شاطر فيهم كلهم.

الغلطة الشائعة إنك تدفع سعر ايجنسي وتاخد فعليًا ميديا باير واحد بيشتغل عندهم على 8 حسابات. اسأل بالاسم: مين هيشتغل على حسابي؟ وبيمسك كام حساب غيري؟

3 حاجات تطلبها قبل ما توقّع

1. مين بالظبط هيمسك الحساب

في ايجنسيات بيقابلك فيها الشريك المؤسس وبعدين الحساب بيروح لحد جديد. مش مشكلة إن حد جديد يمسك، المشكلة إنك ماتعرفش. اطلب تقابل اللي هيشتغل فعلًا، واسأله على كيس شغله هو مش كيس الايجنسي.

2. إزاي بيقيسوا النتيجة

دي اللي بتفرّق بين ايجنسي بتبيعلك أرقام وايجنسي بتبنيلك بيزنس. اسأل بالحرف: الـ ROAS اللي هتوروهولي جاي من أنهي نافذة أتربيوشن؟ ومن مانجر الإعلانات ولا من الباك إند؟ وتكلفة الأوردر بتتحسب على المسجّل ولا المسلّم؟

في السوق المصري بالذات، الفرق بين الأوردر المسجّل والأوردر اللي وصل ودفع ممكن يقلب حملة رابحة لخسرانة. التفاصيل في مقال الـ COD في مصر وليه بيغيّر أرقامك كلها.

3. إيه اللي بيفضل معاك لو مشيت

ايجنسي كويسة بتسيبلك أصول: بكسل مظبوط، وكرييتفات إنت مالكها، وصفحات محسّنة، وفهم مكتوب لعميلك. ايجنسي وحشة بتسيبلك حساب واقف. اسأل من أول يوم: الحسابات والأصول باسمي ولا باسمكم؟

«ماركتنج ايجنسي» ولا «وكالة تسويق إلكتروني»؟ نفس الحاجة

الاسم بيختلف حسب مين بيتكلم. في مصر الناس بتقول ماركتنج ايجنسي أو ايجنسي إعلانات، وفي الخليج والكتابة الرسمية بتلاقيها وكالة تسويق إلكتروني أو شركة تسويق رقمي. كلهم بيوصفوا نفس الشغل، بس تحت الاسم ده بيتخبّى تلات نماذج مختلفة تمامًا:

• وكالة إعلانات (Media Buying Agency) — شغلها الأساسي شراء وإدارة الإعلانات. بتنفع لو الأوفر والصفحة والتراكينج مظبوطين.
• وكالة تسويق كاملة (Full-service) — إعلانات وكرييتف ومحتوى وسوشيال وبراندنج. بتنفع لو بتبني براند من الصفر، وبتبقى أغلى وأبطأ في القرارات.
• وكالة بيرفورمانس (Performance / Growth) — بتقيس نفسها بالربح مش بالوصول: الأوفر والفانل والتحويل والريتنشن مع الإعلان. دي اللي بتنفع لستور بيبيع فعلًا وعايز يكبّر.

أول سؤال تسأله لأي وكالة تسويق: إنتوا نموذج إيه من التلاتة؟ — لأن كتير بيبيعوا النموذج التالت بسعره، وبيسلّموا النموذج الأول.

إحنا مين

Saduq Agency — بندير حسابات إيكومرس وريل ستيت ومنتجات رقمية في مصر والوطن العربي، وبنبني أنظمة نمو مبنية على البيانات. أنا أحمد إبراهيم مؤسسها وبمسك الـ Performance.

الخدمات والشغل والكيسات كلها على موقع الوكالة: saduq.agency — الخدمات · الستورز اللي بنيناها · الكيسات.

الشغل بيغطّي: ميديا باينج على Meta و TikTok و Snapchat و Google، بناء وتحسين المتاجر واللاندنج بيجز على Shopify، تحسين التحويل (CRO)، توجيه الكرييتف والأوفر، والتراكينج والقياس.

وبدل ما نقول «إحنا أحسن ماركتنج ايجنسي» — دي جملة كل الايجنسيات بتقولها — دي أرقام تقدر تشوفها بلقطاتها دلوقتي:

• براند فاشون في مصر — 66.9 مليون جنيه على 4 شهور متتالية من لوحة تحكم المتجر.
• براند فيتنس في الخليج — 415 ألف دولار على 4 شهور بنسبة عملاء راجعين وصلت 56.67%.
• حساب ميتا في الخليج — 1.09 مليون دولار قيمة مشتريات على 448 كامبين.
• حساب سناب — ROAS 13.57 على عمر الحساب كامل.

كل دي لقطات شاشة حقيقية من لوحات تحكم شغّالة، أسماء البراندات محجوبة والأرقام زي ما هي — شوفها كلها هنا. والكيسات كاملة فيها الفترة ونافذة الأتربيوشن ومصدر كل رقم.

إزاي بنبدأ

1. أوديت مجاني. بنبص على الحساب والصفحة والأوفر ونقولك فين الفلوس بتضيع.
2. لو المشكلة مش في الإعلان، بنقولك. ساعات الحل تصليح صفحة مش زيادة ميزانية.
3. لو الشغل مناسب، بنبدأ بخطة مكتوبة فيها الأرقام المستهدفة وطريقة القياس.

وساعات بنقول لأ. لو الهامش مايستحملش تكلفة اكتساب في السوق ده، أو المنتج لسه مااتثبتش إن حد عايزه، الإعلان مش هيصلّح ده — هيسرّع الخسارة بس.