خبير شوبيفاي في مصر — متجر بيتبني عشان يحوّل، مش عشان يتعرض

ليه شوبيفاي بقى جزء أساسي من شغلي

سنين وأنا بدير إعلانات لمتاجر، وكل شوية نوصل لنفس الحيطة: الإعلان شغّال، الزوار جايين، والمتجر مش بيقفل البيعة. ساعتها أي ميزانية زيادة بتتحرق. فبدل ما أقول لصاحب المتجر «صلّح الصفحة» وأستنى، بقينا في صدوق نبني ونصلّح المتجر بنفسنا.

النتيجة إن الإعلان والمتجر بقوا قرار واحد مش قرارين. لما تكلفة الأوردر تطلع، بنعرف المشكلة في الإعلان ولا في الصفحة — لأن الاتنين قدامنا.

بشتغل على إيه في Shopify

• متجر من الصفر: المنصة والثيم والتعريب و RTL، والدفع (Paymob أو Kashier + الدفع عند الاستلام) والشحن. الخطوات والتكلفة كاملة في انشاء متجر إلكتروني في مصر.
• صفحات هبوط للمنتجات اللي عليها إعلانات: صفحة لمنتج واحد وعرض واحد وفورم أوردر مباشر — تصميم صفحة هبوط، والمبادئ في مقال صفحة الهبوط اللي بتحوّل.
• CRO على متجر شغّال: أوديت على صفحة المنتج والأوفر وخطوات الطلب، وبعدين تنفيذ وقياس — تحسين معدل التحويل لمتاجر Shopify.
• Rebuild: لو المتجر شكله كويس ومش بيبيع، بنعيد بناء الواجهة والفانل من غير ما المنتجات والأوردرات والعملاء يتأثروا.

خبير شوبيفاي ولا مطور شوبيفاي؟

المطور بيبني اللي تطلبه منه. وده مهم — بس صاحب المتجر غالبًا مش عارف يطلب إيه. اللي بيفرق إن حد يسأل قبل ما يبني: الصفحة دي هترد على أسئلة الزائر ولا لأ؟

في دماغ أي زائر جاي من إعلان 7 أسئلة: وصلت للمكان الصح؟ المنتج هيحل مشكلتي؟ يستاهل سعره؟ أثق في الستور ده؟ لو مجاش كويس هعمل إيه؟ الطلب سهل ولا معقد؟ — والسابع لصاحب المتجر: إنت قايس ده أصلًا؟ أي سؤال مالوش رد في الصفحة بيوقّع أوردرات. الشيت المجاني اللي بيمشي على الأسئلة دي على saduq.agency/tools/cro-sheet.

أرقام من متاجر اشتغلنا عليها

• متجر COD في مصر شيلنا منه الكارت بالكامل — التحويل بقى 3.14% والأوردرات المفقودة قلّت 21.7%، بزيارات أقل. الكيس كاملة: ستور حذفنا منه الكارت، والمعمار في فانل من غير كارت للـ COD.
• ستور في الخليج — التحويل من 0.7% لـ 1.19% بعد إعادة بناء صفحة المنتج، والباندل بدل كود الخصم. الكيس كاملة.
• متجر في الكويت — CVR 1.97% على 7 شهور مع صرف أقل 16%. الكيس كاملة.

ولو لسه بتختار المنصة نفسها، المقارنة بين Shopify و EasyOrders و WordPress موجودة على شوبيفاي ولا ايزي أوردرز. وقبل أول إعلان على متجر جديد، اقرا أول 5 حاجات قبل أول إعلان.

إمتى مش هقولك اعمل متجر جديد

لو المتجر بيحوّل كويس والمشكلة إن الهامش مايستحملش تكلفة الإعلان، متجر جديد مش هيصلّح ده — الحل في تسعير المنتج أو رفع متوسط الأوردر. ولو البكسل مش بيسجّل صح، أي قرار على المتجر هيبقى تخمين — اتأكد منه الأول.