اللاندنج بيدج اللي بتكونفرت — معمار مش ديكور

في ناس كتير بتفتكر إن اللاندنج بيدج الحلوة هي اللي فيها ألوان شيك وموشن وصور HD. ده كلام عن الديكور. اللي بيبيع حاجة تانية خالص: ترتيب المعلومة بحيث توصّل الزائر من «مش عارفك» لـ «هشتري» من غير ما يقف في نص السكة.

الديزاين الحلو مش هو اللي بيقفل البيعة

الزائر اللي داخل من إعلان مش داخل يتبسط بالتصميم، داخل يجاوب على سؤال واحد في دماغه: «الحاجة دي تنفعني وأأمنلها؟». لو اللاندنج بيدج جاوبت على السؤال ده بترتيب صح، بتبيع حتى لو بسيطة. ولو أحلى تصميم في الدنيا مجاوبش، بتفضل حلوة وفاضية.

اللاندنج بيدج = معمار قرار

أنا بفكّر في اللاندنج بيدج كأنها سلسلة قرارات، كل جزء شغلته يوصّل للجزء اللي بعده:

• الوعد — أول ما يفتح، يفهم في ثواني بيكسب إيه ليه هو بالذات.
• الإثبات — ريفيوهات، صور حقيقية، أرقام، قبل وبعد. حاجة تخلّيه يصدّق مش يتمنى.
• إزالة القلق — الأسئلة اللي بتقفل المحفظة: الشحن، الإرجاع، الدفع عند الاستلام، الضمان. جاوب عليها قبل ما يسألها.
• الأكشن — أكشن واحد واضح، مش خمس خيارات بتشتّته.

الترتيب ده مش شكل، ده رحلة إقناع. أي حتة ناقصة فيها بيسيب الزائر يطلع عند نقطة معينة.

الاحتكاك بيقتل التحويل

كل خطوة زيادة بين «عايز أشتري» و«اتأكد الأوردر» بتخسر ناس. ده اللي خلّانا في كيس الستور اللي حذفنا منه الكارت بالكامل نلغي الكارت خالص ونخلّي الرحلة: لاندنج بيدج فيها كل حاجة، وتحتها فورم أوردر مباشر. أقل خطوات = ناس أكتر بتكمّل. معمار الصفحة اتبنى حوالين إزالة الاحتكاك، مش حوالين الشكل.

نفس الترافيك، أوردرات أكتر

ده بالظبط سبب إن CRO أرخص من زيادة الميزانية. لو حسّنت الصفحة وطلع معدل التحويل، إنت بتطلّع أوردرات أكتر من نفس الزيارات اللي بتدفع فيها أصلًا — من غير جنيه صرف زيادة. الإعلان بيجيب الزيارة، بس اللاندنج بيدج هي اللي بتقرّر الزيارة دي تتحوّل لفلوس ولا تعدّي.

بناء المتاجر واللاندنج بيدجز وتحسين التحويل جزء أساسي من شغلي — تفاصيل الخدمة هنا والنتائج بأرقامها في الكيسات.