53 مليون جنيه في 9 شهور — براند فاشون محلي

براند فاشون محلي شعبي، الهدف كان صرف كبير مستمر (٣ مليون+ في الشهر) من غير ما الأرقام تنهار.

المشكلة

الأكونتات بتتقفل بسرعة على المنصات، والتحدي مش إنك تجيب مبيعات — التحدي إنك تحافظ على الاستقرار وانت بتصرف بحجم ضخم كل يوم.

الاستراتيجية

اللي حصل مكانش ميديا باينج بس — البيزنس كان جاهز. الأوبريشن هو اللي خلّى الصرف الكبير ممكن: شركة شحن خاصة رفعت نسبة التسليم لـ 75%، وده اللي خلّى كل جنيه بيتصرف يرجع فعلاً.

التنفيذ

• تعدّد المنصات: TikTok بحسابات دولار (عشان مرونة أكبر مع قفل الأكونتات)، و Meta بـ multi ad accounts للاستقرار.
• Messages Ads: مليون جنيه صرف طلّع 9.5 مليون مبيعات.
• الكرييتف: Pinterest + إعادة تدوير الكرييتف المحروق بزوايا جديدة.
• رفع الـ AOV: قطعتين إجباري في الأوردر، وتكتيكات تسعير تحرّك المندوب والعميل.

النتيجة

53 مليون جنيه مبيعات في 9 شهور، ووصلنا لمليون جنيه مبيعات في يوم واحد وقت العيد. الدرس: النمو الكبير بيبدأ من إن البيزنس نفسه يكون جاهز، مش من زرار الصرف.