كالكوليتر الـ LTV

إزاي تقرا النتيجة

إجمالي إيراد العميل الواحد هو كل الفلوس اللي العميل هيدفعها معاك على طول فترة تعامله، قبل خصم أي تكلفة. قيمة العميل الحقيقية (LTV) هي نفس الرقم بعد خصم الهامش — يعني الربح الفعلي اللي هيوصلك من العميل ده، مش الإيراد بس. الفرق بين الاتنين هو نفسه الفرق بين الإيراد والربح المشروح في بجيب أوردرات وبخسر — إزاي تحسب ربحك الحقيقي.

لو حطّيت تكلفة اكتساب العميل (CAC)، الأداة بتطرحها من الـ LTV عشان توريك صافي الربح بعد الاكتساب. لو الرقم ده سالب، معناه إنك بتدفع في اكتساب العميل أكتر مما هيرجّعلك حتى لو حسبت كل مشترياته الجاية — وده بيحصل غالبًا لما تحسب الـ CAC على أساس أول أوردر بس من غير ما تعرف تقيسه صح، زي ما هو مشروح في إزاي أقرا تقرير الميديا باير.

عدد مرات الشراء منين؟

الرقم ده مش تخمين — هو نتيجة مباشرة لنسبة العملاء الراجعين عندك (Returning Customer Rate). الموضوع مشروح بالتفصيل في الريتنشن — إزاي تخلّي العميل يشتري تاني من غير إعلانات، وفيه أرقام حقيقية من حسابات حقيقية: ستور قهوة وصل لـ 54.08% Returning في شهر واحد، وستور فيتنس وصل لـ 56.67% على 4 شهور. كل ما نسبتك أعلى، كل ما عدد مرات الشراء المتوقعة ليك أكبر، والـ LTV بتاعك بيكبر من غير ما تصرف جنيه إعلان زيادة — التفصيل الكامل في لعبة الـ LTV مش لعبة الـ CPP.

هامش الربح منين؟

استخدم كالكوليتر الربح الحقيقي الأول عشان تعرف ربحك بالجنيه لكل أوردر بعد تكلفة المنتج والشحن ونسبة التسليم، واقسمه على سعر البيع عشان تجيب النسبة اللي هتحطها هنا. لو نسبة التسليم عندك واطية بسبب مرتجعات كتير، شوف ليه الأوردرات بترجع في مصر قبل ما تحسب الهامش، لأن الرقم هيتغيّر كتير بعد ما تحسّنها.

زيادة الـ LTV مش مرتبطة بالريتنشن بس — رفع متوسط قيمة الأوردر نفسه بيضاعف الأثر، وده مشروح في رفع قيمة الأوردر (AOV) والبيع بالأوفر مش بالخصم. كيس البيع بالأوفر رفع الـ AOV لـ 79.91 دولار وحقق ريتنشن 40.66% في نفس الوقت — نفس المبدأ اللي الأداة دي بتقيسه. لو عايز تعرف هل ميزانية إعلاناتك الحالية فعلًا الحل، اقرا ليه زيادة ميزانية الإعلانات مش دايمًا الحل.