العائد على الإنفاق الإعلاني: المبيعات اللي جت من الإعلان ÷ صرف الإعلان. صرفت 10 آلاف وجالك 40 ألف = ROAS 4. بيقيس الإعلان مش الربح، فقارنه دايمًا بـ ROAS التعادل = 1 ÷ هامش ربحك.

تكلفة الأوردر الواحد من الإعلان: صرف الإعلان ÷ عدد الأوردرات. لو أعلى من هامش ربحك ف الأوردر يبقى بتخسر ف كل بيعة.

ما هو معدل التحويل وإزاي أحسبه؟

نسبة الزوار اللي اشتروا: عدد الأوردرات ÷ عدد الزيارات × 100. 200 أوردر من 10 آلاف زيارة = 2%. الطبيعي ف مصر بالدفع عند الاستلام بين 3% و7%، وف الخليج بالدفع الأونلاين بين 1% و1.5%.

تكلفة ظهور إعلانك ألف مرة: (الصرف ÷ مرات الظهور) × 1000. بيتغير مع المنافسة والمواسم.

معدل النقر: النقرات ÷ مرات الظهور × 100. بيقيس إذا كان الإعلان بيوقّف الناس ويخليهم يدوسوا.

القيمة الدائمة للعميل: متوسط الأوردر × عدد مرات الشراء × هامش الربح. بيقولك تقدر تدفع كام عشان تجيب عميل جديد.

محتوى بشكل عميل حقيقي بيجرّب المنتج ويتكلم عنه بدل إعلان متصوّر باحترافية، وغالبًا بيبان أصدق ف الفيد.

يعني إيه AOV؟

متوسط قيمة الأوردر: إجمالي المبيعات ÷ عدد الأوردرات. كل ما يعلى كل ما تقدر تدفع أكتر ف الإعلان وتفضل كسبان.

ما هو ROAS و CPA ومعدل التحويل؟ قاموس مصطلحات الإعلانات والمتاجر

كل مصطلح هنا بتعريف سطرين، والمعادلة، ومثال بأرقام بسيطة، ولينك للمقال اللي بيشرحه بالتفصيل. الأمثلة توضيحية مش أرقام عملاء.

ROAS · Break-even ROAS · CPA · CPM · CTR · معدل التحويل (CVR) · AOV · LTV · MER / Blended ROAS · نسبة التسليم · نافذة الأتربيوشن · البيكسل و Conversions API · Hook Rate · Creative Fatigue · UGC · الفانل (القمع) · صفحة الهبوط · A/B Test · الباندل والأوفر · الميديا باير

ROAS — العائد على الإنفاق الإعلاني

كام جنيه مبيعات بيرجعلك من كل جنيه بتصرفه على الإعلان. مقياس للإعلان مش للربح: ROAS عالي مع هامش ضعيف ممكن يبقى خسارة.

المعادلة: ROAS = المبيعات من الإعلان ÷ صرف الإعلان

مثال: صرفت 10 آلاف وجالك 40 ألف مبيعات = ROAS 4.

اقرا أكتر: الـ ROAS الحقيقي ونافذة الأتربيوشن

Break-even ROAS — ROAS التعادل

أقل ROAS يخليك متخسرش. أي رقم تحته الإعلان بيخسّرك حتى لو شكله كويس.

المعادلة: ROAS التعادل = 1 ÷ هامش الربح (بعد تكلفة المنتج والشحن)

مثال: هامشك 40% = ROAS التعادل 2.5.

اقرا أكتر: حاسبة التعادل للدفع عند الاستلام

CPA — تكلفة الأوردر · تكلفة الاستحواذ

اللي بتدفعه ف الإعلان عشان تجيب أوردر واحد. أهم رقم تقارنه بهامش ربحك.

المعادلة: CPA = صرف الإعلان ÷ عدد الأوردرات

مثال: صرفت 6 آلاف وجالك 100 أوردر = CPA 60 جنيه.

اقرا أكتر: إزاي تسعّر منتجك عشان الإعلان يكسب

CPM — تكلفة الألف ظهور

اللي بتدفعه عشان إعلانك يظهر ألف مرة. بيتغير مع المنافسة والمواسم، وارتفاعه لوحده مش دايمًا مشكلة.

المعادلة: CPM = (صرف الإعلان ÷ عدد مرات الظهور) × 1000

مثال: صرفت 500 جنيه و100 ألف ظهور = CPM 5 جنيه.

اقرا أكتر: الـ CPM غلي.. إمتى تقلق

CTR — معدل النقر

نسبة اللي داسوا على الإعلان من اللي شافوه. بيقيس الإعلان نفسه بيوقّف الناس ولا لأ.

المعادلة: CTR = النقرات ÷ مرات الظهور × 100

مثال: ألف نقرة من 50 ألف ظهور = CTR 2%.

اقرا أكتر: اختبار الكرييتف

معدل التحويل (CVR) — Conversion Rate

نسبة الزوار اللي اشتروا فعلًا. في مصر بالدفع عند الاستلام الطبيعي بين 3% و7%، وفي الخليج بالدفع الأونلاين بين 1% و1.5%.

المعادلة: معدل التحويل = عدد الأوردرات ÷ عدد الزيارات × 100

مثال: 200 أوردر من 10 آلاف زيارة = 2%.

اقرا أكتر: معدل التحويل الطبيعي ف مصر والخليج

AOV — متوسط قيمة الأوردر

متوسط اللي العميل بيدفعه ف الأوردر الواحد. كل ما يعلى كل ما تقدر تدفع أكتر ف الإعلان وتفضل كسبان.

المعادلة: AOV = إجمالي المبيعات ÷ عدد الأوردرات

مثال: 50 ألف مبيعات من 100 أوردر = AOV 500 جنيه.

اقرا أكتر: إزاي ترفع متوسط الأوردر

LTV — القيمة الدائمة للعميل

إجمالي اللي العميل بيدفعه طول ما هو بيشتري منك، مش أول أوردر بس. بيقولك تقدر تدفع كام عشان تجيب عميل جديد.

المعادلة: LTV = متوسط الأوردر × عدد مرات الشراء × هامش الربح

مثال: أوردر 400 جنيه × 3 مرات × هامش 40% = 480 جنيه ربح من العميل.

اقرا أكتر: اللعبة LTV مش تكلفة الأوردر

MER / Blended ROAS — العائد المدمج

إجمالي مبيعات المتجر ÷ إجمالي الصرف على كل الإعلانات. أصدق من ROAS المنصة لأنه مبيبقاش فيه تكرار بين المنصات.

المعادلة: MER = إجمالي المبيعات ÷ إجمالي صرف الإعلانات

مثال: مبيعات الشهر 300 ألف وصرف كل المنصات 100 ألف = 3.

اقرا أكتر: أوردرات كتير وبتخسر

نسبة التسليم — Delivery Rate

نسبة الأوردرات اللي اتسلمت واتدفعت فعلًا من اللي اتسجلت، وأهم رقم ف الدفع عند الاستلام: تكلفة الأوردر الحقيقية بتتحسب على المُسلَّم.

المعادلة: نسبة التسليم = الأوردرات المُسلَّمة ÷ الأوردرات المسجلة × 100

مثال: 100 أوردر واتسلم منهم 70 = 70%.

اقرا أكتر: الأوردرات المرتجعة ف مصر

نافذة الأتربيوشن — Attribution Window

المدة اللي المنصة بتنسب فيها الشراء للإعلان بعد ما الشخص شافه أو داس عليه. نفس الحملة بتطلع بأرقام مختلفة حسب النافذة.

المعادلة: مثلًا: 7 أيام بعد النقرة · يوم بعد المشاهدة

مثال: حملة ROAS بتاعها 4 على نافذة 7 أيام ممكن تطلع 2.8 على نافذة يوم.

اقرا أكتر: الـ ROAS الحقيقي

البيكسل و Conversions API — Pixel & CAPI

البيكسل كود في المتجر بيبلّغ المنصة باللي حصل (زيارة، إضافة للسلة، شراء). Conversions API بيبلّغ نفس الأحداث من السيرفر، فبيكمّل اللي البيكسل بيفوّته.

اقرا أكتر: إزاي تعرف إن البيكسل بيسجّل صح